Xalıqtı dizimge alıwdıń turaqlılıǵı. BMSh usınıslarına kóre, xalıqtı dizimge alıw 10 jılda keminde bir márte ótkeriliwi belgilengen.
Xalıqtı dizimge alıw arnawlı tayarlanǵan qániygeler – esapshılar tárepinen ótkeriledi. Bul ilajdı ámelge asırıw ushın kóp muǵdarda arnawlı xızmetkerler jallanadı, olardıń quramına ilimliler, studentler de kirgiziliwi múmkin.
Xalıqtı dizimge alıwdı anıq bir múddette ótkeriw: Bul ilajdı ámelge asırıwǵa ádette 10-12 kún talap etiledi. Xalıqtı dizimge alıw bir neshe kún dawamında ótkerilse de, maǵlıwmatlar anıq bir waqıtta – kóbinese xalıqtı dizimge alıwdıń birinshi kúniniń sol waqıttaǵı jaǵdayı boyınsha gúzetiledi. Bul xalıqtı dizimge alıwdıń názik waqtı, dep te ataladı.
Máselen, bala xalıqtı dizimge alıw dáwirinde, biraq áne usı anıq múddetten keyin tuwılǵan bolsa, ol xalıq dizimine kirgizilmeydi. Biraq, kimdúr bul anıq názik múddette tiri bolıp, sonnan keyin, yaǵnıy xalıqtı dizimge alıw dáwirinde qaytıs bolsa, ol xalıq dizimine kirgizilmeydi.
Xalıqtı dizimge alıwdıń belgilep qoyılǵan anıq dástúriniń bar ekenligi hám ilajdı oǵan qatań ámel qılǵan jaǵdayda ótkeriw. Xalıqtı dizimge alıw dástúri – dizimge alıwda belgili talaplardı esapqa alǵan halda, xalıqqa múrájaat etiletuǵın sorawlar dizimin, maǵlıwmatlardı gúzetiw, toplaw, qayta islew, juwmaqlawshı maǵlıwmatlardı járiyalaw tártiplerin óz ishine aladı.
Xalıqtı dizimge alıw pútkil dúnya boyınsha rawndlar sheńberinde ámelge asırıladı. Pútkil dúnya xalqınıń 24 payızı jámlep alınǵan 2010 jılǵı rawndda Ózbekstan qatnaspaǵan edi. 2020 jılǵı rawndda sanawlı mámleketlerden tısqarı barlıq dúnya mámleketleri, sonday-aq, Ózbekstan da qatnaspaqta, bul rawndda xalıqtıń 97,5 payızın jámlep alıw rejelestirilgen.
Kegeyli rayonı Statististika bólimi baslıǵı: M.Bekmuratov
