Rayonlıq Mámleketlik xızmetler orayı xızmetkerleri tárepinen kóshpeli xızmetler kórsetiӯ daӯam etpekte. Gezektegi mánzil rayon orayındaǵı mámleketlik mákeme hám kárxanalardıń jumısshılarınıń ӯaqıtların únemlep, olardı áӯeregershilik etpey, jumıs orınlarına barǵan halda kóshpeli xızmetler shólkemlestirildi.
Kóshpeli xızmet kórsetiӯ daӯamında Ózbekstan Respublikası Ministrler Kabinetiniń 797-anlı qararı menen tastıyıqlanǵan «Sudlanǵan yaki sudlanbaǵanlıq haqqında maǵlıӯmatnama alıӯ boyınsha», sonday-aq, Ózbekstan Respublikası Ministrler Kabinetiniń 18-sanlı qararına tiykarlanıp «Puqaralardıń ruӯxıy hám narkologiyalıq kesellikler boyınsha dispanser esabında turıӯı yaki turmaslıǵı haqqında» maǵlıӯmatlardı alıӯ boyınsha 150 den aslam xızmet kórsetildi. Xalqımız iygiligindegi xızmetlerimiz daӯam etpekte. Húrmetli rayonımız turǵınları, áziz puqaralar, ӯaqtıńızdı únemleń, oraymızdıń kóshpeli xızmetlerinen paydalanıń.
Kegeyli rayonı Mámleketlik xızmetler orayı
