Sońǵı jıllarda Respublikamızdıń qala hám rayonlarınıń shetki, alıs awılları pútkilley ózgerip úlgi joybar tiykarında arzan úy jaylar, kóp qabatlı turaq jaylar salınıp atır. Kegeyli rayonı aymaǵında da qurılıs jumısları jedel pát penen alıp barılmaqta. Sol sebepli Kegeyli rayonı Ayırıqsha jaǵdaylar bólimi xızmetkerleri tárepinen rayonımız aymaqlarında jańadan qurılıp atırǵan kóp qabatlı turaq jaylar,sociallıq taraw imaratlarında ayrıqsha jaǵdaylardıń, sonday-aq, órt qáwipsizligin támiynlew maqsetinde bárshe qurılıs tarawındaǵı xızmetkerler menen sáwbetlesiw,ushırasıwlar ótkerilmekte. Eń dáslep qurılıp atırǵan imaratlardıń órt qáwipsilgin támiynlew, olardıń joybarları hám qurılıs jumıslarınan baslanadı. Qáwipsizlik talaplarınıń orınlanıwı, keleshekte paydalanıwǵa tapsırılǵan imaratlarda órt qáӯipiniń júzege kelmesliginiń kepili esaplanadı.
Qurılıs jumısları dawam etip atırǵan obekt hám imaratlardıń maydanlarında, sonday-aq, qurılıs montaj jumıslarında órt qáwipsizligi norma talaplarına,tiyisli qaǵıydalarına ámel qılǵan halda erisiledi.
Máselen: Birinshi náwbette hámme qurılısshı isshi xızmetkerler texnika qáwipsizligi qaǵıydalarına ámel qılǵan halda, arnawlı bas kiyim (kaska) ler menen támiyinlense, qurılıs maydanlarında kepserlew jumısların arnawlı gúwalıqqa iye bolǵan qánigeler tárepinen jumıslar alıp barılsa, qurılıs maydanlarında órt qáwipsizligin támiyinlew maqsetinde órt óshiriw qalqanshaları ornatılsa, birlemshi órt óshiriw quralları menen támiyinlense, ashıq halda elektr tarmaqlarınan paydalanbasa, qurılsshı xızmetkerler demalıw bólmelerinde hár qıylı qol bala jasalǵan elektr ısıtıw úskenelerinen paydalanbawı ham taǵı basqa usınday bir qatar qáwipsizlik qaǵıydalarına ámel qılınıӯı kerek.
Qurılıs tarawında miynet islep atırǵan qurılıssha qániygeler joqarıda aytqanımızday qurılıs tarawında házirgi kúnde ámelde bolǵan órt qáuipsizligi boyınsha tiyisli norma talaplarıdı puxta ózlestirip alsa hámde qatań ámel qollansa maqsetke muwapıq bolar edi.
A.P.Yusupov, Kegeyli rayonı Ayırıqsha jaǵdaylar bóliminiń
Normativ texnika bólimshesi baslıǵı, leytenant.
