Hár jılı ótkeriliwi dástúrge aylanǵan, mámleketimiz isbilermenleri, fermerleri hám ónermentlerin xoshametlew maqsetinde ótkerilip kiyatırǵan Ózbekistan Respublikası Prezidenti sawǵaları ushın «Tashabbus-2018» tańlawına shólkemlestiriw komiteti tárepinen start berilgenligin xabarlaydı hám 13-28-sentyabr kúnleri Tańlawdıń qala, rayon basqıshlarında qatnasıwshılar:
«Jıldıń eń jaqsı isbilermeni»-sanaat tarawında
«Jıldıń eń jaqsı isbilermeni»-xızmet kórsetiw tarawında
«Jıldıń eń jaksı jas isbilermeni»
«Jıldıń eń jaqsı fermeri» hám
«Jıldıń eń jaqsı ónermenti»
tiykarǵı baǵdarları boyınsha kúsh sınasadı.
«Tashabbus-2018» tańlawınıń qala ham rayon basqıshları Qanlıkól rayonında-13-sentyabr kúni, Shomanay rayonında- 14-sentyabr kúni, Qońırat rayonında-15-sentyabr kúni, Moynaq rayonında-16-sentyabr kúni, Tórtkul rayonında-19-sentyabr kúni, Beruniy rayonında-18-sentyabr kúni, Ellikqala rayonında-20-sentyabr kúni, Ámiwdarya rayonında-17-sentyabr kúni, Kegeyli rayonında-21-sentyabr kúni, Shımbay rayonında-22-sentyabr kúni, Qaraózek rayonında-23-sentyabr kúni, Tahtakópir rayonında-24-sentyabr kúni, Nókis rayonında-25-sentyabr kúni, Xojeli rayonında-26-sentyabr kúni, Taxiyatas rayonında-27-sentyabr kúni hám Nókis qalasında-28-sentyabr kúnler aralıǵında ótkeriliwi rejelestirilmekte.
Qala hám rayon basqıshı jeńimpazları 2018-jıl 17-oktyabr kúni Nókis qalası Qaraqalpaq mámleketlik Akademiyalıq muzıkalı teatrında bolıp ótetuǵın Respublika basqıshına qatnasıw imkániyatına iye boladı hám tiykarǵı bes baǵdardan tısqarı qosımsha nominaciyalar boyınsha jeńimpazlar anıqlanıp, olar arnawlı diplom hám bahalı sawǵalar menen sıylıqlanadı.
Respublika basqıshınıń tiykarǵı bes baǵdarı boyınsha jeńimpazlar usı jıl 14-16-noyabr kúnleri Tashkent qalasında bolıp ótetuǵın finallıq basqıshta qatnasıw ushın jollanbanı qolǵa kirgizedi.
Húrmetli isbilermenler, fermerler hám ónermentler!
Eger, Siz islep shıǵarıp atırǵan ónimlerińizdi respublikamız xalqına kórsetiwge, basqa islep shıǵarıwshılar menen bellesiwge tayar bolsańız, tańlawǵa qatnasıwǵa mirát etemiz.
«Tashabbus-2018» tańlawına qatnasıw arqalı Siz óz ónimlerińizdi keń xalıqqa tanıtıw, olarǵa bolǵan talaptıń artıw imkániyatına iye bolasız. Tańlawǵa qatnasıw ushın Siz ózińiz jasap atırǵan rayon (qala) hákimiyatlarına, Ózbekistan Sawda-sanaat palatasınıń Qaraqalpaqstan Respublikası basqarmasına, sonday-aq, Basqarmanıń rayonlardaǵı Maǵlıwmat máslahat oraylarına xabarlasıwıńızǵa boladı.
Tańlaw shártleri boyınsha qosımsha sorawlar menen shólkemlestiriw komitetiniń 770-71-01, 222-00-51 telefonları arqalı maǵlıwmat alıwıńızǵa boladı.
Sizge tańlawda áwmet tileymiz.
Ózbekistan Sawda-sanaat palatasınıń Qaraqalpaqstan Respublikası basqarması.
