Milliy gvardiyaǵa jumısqa kirgizemen dep puqaralardıń pulların ѳzlestirgen tawlamashıǵa húkim oqıldı

24.03.2021 13:27:10 7 Баспаға шығарыў

2020-jıl dekabrь ayınıń 28-kúni jınayat isleri boyınsha Kegeyli rayonı sudı ѳz keńsesinde, ashıq sud májilisinde A.N húkim oqıdı.

Sudlanǵan A.N aldın bir neshe márte sudlanıp, jazanı ѳtep shıqqan bolsada, bunnan ѳzine tiyisli juwmaq shıǵarmastan, qáwipli recidivist bolǵan halda, 2020-jıl mart ayında ѳzgeniӊ múlkin qolǵa kiritiwdi maqset etip, Qaraѳzek rayonı “Abay” kѳshesi 33-jayda jasawshı puqara N.D.Inı anasın úyiniń aldında mayıplar arabashasında alıp júrgenligin kѳrip, onıӊ isenimine kirip, ѳzin Qaraqalpaqstan Respublikası Ministrler Keńesinde islewshi “Polat” dep tanıstırıp, oǵan jeӊillikli kreditke arzanlastırılǵan turaq jay alıp beriwdi wáde etip, aldap, D.N.dan bѳlip-bѳlip naqlay hám plastik karta arqalı jámi 3.117.000 swm pulların aldawshılıq jolı menen qolǵa kiritip ѳz máplerine jumsap jibergen.

Bunnan tısqarı, A.N ѳziniń jınayıy háreketlerin dawam ettirip, tákiraran, ѳzgeler múlkin qolǵa kiritiw maqsetinde 2020-jıl mart ayında Qaraѳzek rayonı «Qaraѳzek» awıl puqaralar jıyını aymaǵında jasawshı puqara K.Nnıń isenimine kirip, ѳzin Qaraqalpaqstan Respublikası Ministrler Keńesinde islewshi “Polat” dep tanıstırıp, arzan bahada solyarka ѳnimin alıp kelip beriwdi wáde etip, aldap, K.N.nıń bѳlip-bѳlip naqlay hám plastik karta arqalı jámi 7.500.000 swm pulların aldawshılıq jolı menen alıp ѳz mápleri ushın isletip jibergen.

Bunnan tısqarı, A.N ѳziniń jınayıy háreketlerin dawam ettirip, tákiraran, Qaraѳzek rayonı “Abay” kѳshesi 33-jayda jasawshı puqara N.M.I isenimine kirip, ѳzin Qaraqalpaqstan Respublikası Ministrler Keńesinde islewshi “Polat” dep tanıstırıp, oǵan jeӊillikli kreditke arzanlastırılǵan turaq jay alıp beriwdi wáde etip, aldap, M.N. dan bѳlip-bѳlip naqlay hám plastik karta arqalı jámi 11.517.000 swm pulları hám bahası 1.300.000 swm bolǵan “Samsung J-2” telefon apparatın aldawshılıq jolı menen qolǵa kiritip, ѳz máplerine jumsaǵan.

Sonday-aq, A.N bul háreketleri menen sheklenip qalmastan, ѳziniń jınayıy háreketlerin dawam ettirip, tákiraran 2020-jıl 4-iyunь kúni saat 1600ler shamasında, ѳzgeniń múlkin qolǵa kiritiwdi maqset etip, Taxiyatas rayonı “Nayman” awıl puqaralar jıyını aymaǵında jasawshı puqara K.G.B. penen telefon arqalı sѳylesip, ѳzin “Shuhrat” dep tanıstırıp, oǵan 1 tonna solyarka ѳnimin satatuǵınlıǵın aytıp, aldınnan tanısı R.P.R nıń jasap atırǵan Nѳkis rayonı “Samanbay” awıl puqaralar jıyını aymaǵındaǵı Uzınkѳl massivi nѳmersiz jaydıӊ mánzilin berip, K.G.B. ѳziniń inisi K.J.B. penen kelgeninde, bul úy ѳzine tiyisli ekenligin, R.P. ѳmirlik joldası ekenligin aytıp, olardan 1 tonna solyarka ѳnimi ushın 4.000.000 swm pulların alıp, ѳmirlik joldasına sanaw ushın beretuǵınlıǵın aytıp, aldap alıp, úyden shıǵıp ketip waqıya jerinen jasırınǵan.

Bunnan tısqarı, A.N ѳziniń jınayıy háreketlerin dawam ettirip, ѳzgeler múlkin qolǵa kiritiwdi maqset etip, tákiraran 2020-jıl 18-20-iyunь kúnleri Qońırat rayonı K.Abdirov kѳshesi 16-jayda jasawshı puqara K.K.tıń qol telefonına qońıraw etip, ѳzin Qaraqalpaqstan Respublikası Ministrler Keńesinde islewshi “Maxmud” dep tanıstırıp, oǵan isbilermenlik penen shuǵıllanıw maqsetinde qurılǵan qurılısı tolıq pitpegen imaratına эlektr hám gaz tarmaqları menen támiyinlep beriwdi wáde etip, onı aldap, bѳlip-bѳlip 10.000.000 swm pulları hám 100 AQSh dolların aldawshılıq jolı menen alıp ѳzlestirgen.

Bunnan tısqarı, A.N bunıń menen sheklenip qalmasdan, ѳziniń jınayıy háreketlerin dawam ettirip, tákiraran, 2020-jıl iyulь ayında, ѳzgeniń múlkin qolǵa kiritiw maqsetinde, Nѳkis qalası K.Palmanov kѳshesi 49-jayda jasawshı puqara K.J.U ulınıń isenimine kirip, ѳzin Qaraqalpaqstan Respublikası Milliy Gvardiyası orınbasarı lawazımında islewshi “Shuxrat” dep tanıstırıp, onı Qaraqalpaqstan Respublikası Milliy Gvardiyasına jumısqa jayǵastırıwın aytıp, rásmiyetshilik ushın onıń pasport, áskeriy gúwalıǵı hám basqa hújjetlerinen kѳshirmeler alıp, J.K tan bѳlip-bѳlip jami 2.600.000 swm pulların aldawshılıq jolı menen qolǵa kiritken.

Bunnan tısqarı, A.N ѳziniń bul jınayıy háreketleri menen sheklenip qalmastan, tákiraran puqara J.K. tan shaxsın anıqlaw imkaniyatı bolmaǵan shaxs arqalı, Qaraqalpaqstan Respublikası Milliy Gvardiyasına jumısqa jayǵastırıwın wáde etip, belgili háreketti para bergen shaxstıń máplerin gѳzlep orınlaw esesine nızamǵa qayshı ekenligin bile tura, J.K tı para beriwge úndep, 2.600.000 swm pulların qolǵa kiritken.

Bunnan tısqarı, A.N bul háreketleri menen sheklenip qalmastan, ѳziniń jınayıy háreketlerin dawam ettirip, tákiraran 2020 jıl iyulь ayında ѳzgeniń múlkin qolǵa kiritiw maqsetinde, Nѳkis qalası K.Palmanov kѳshesi 47-jayda jasawshı puqara S.A.T. ulınıń isenimine kirip, ѳzin Qaraqalpaqstan Respublikası Milliy Gvardiyası orınbasarı lawazımında islewshi “Shuxrat” dep tanıstırıp, onı Qaraqalpaqstan Respublikası Milliy Gvardiyasına jumısqa jayǵastırıwın aytıp, háreketlerin jánede isenimli qılıp kѳrsetiw ushın onıń pasport, áskeriy gúwalıǵı hám basqa hújjetlerinen kѳshirmeler alıp, A.S tan bѳlip-bѳlip jámi 2.130.000 swm pulların aldawshılıq jolı menen qolǵa kiritken.

Bunnan tısqarı, A.N ѳziniń bul jınayıy háreketleri menen sheklenip qalmastan, tákiraran puqara A.S tan shaxsın anıqlaw imkaniyatı bolmaǵan shaxs arqalı, Qaraqalpaqstan Respublikası Milliy Gvardiyasına jumısqa jayǵastırıwın wáde etip, belgili háreketti para bergen shaxstıń máplerin gѳzlep orınlaw esesine nızamǵa qayshı ekenligin bile tura, A.S tı para beriwge úndep, onıӊ 2.130.000 swm pulların qolǵa kiritken.

Bunnan tısqarı, A.N bul háreketleri menen sheklenip qalmastan, ѳziniń jınayıy háreketlerin dawam ettirip, tákiraran 2020 jıl 28 iyulь kúni ѳzgeniń múlkin qolǵa kiritiw maqsetinde, Nѳkis qalası Berdaq proekt kѳshesi 8-jayda jasawshı puqara K.X.F isenimine kirip, oǵan ѳzin Qaraqalpaqstan Respublikası Milliy Gvardiyası orınbasarı lawazımında islewshi “Shuxrat” dep tanıstırıp, onı Qaraqalpaqstan Respublikası Milliy Gvardiyasına jumısqa jayǵastırıwdı wáde etip, aldap hámde X.Ktı belgili háreketti para bergen shaxstıń máplerin gѳzlep orınlaw esesine nızamǵa qayshı ekenligin bile tura para beriwge úndep, onıӊ 900.000 swm pulların alǵan waqtında Ѳzbekstan Respublikası Bas prokuraturası janındaǵı ЭJQG Departamenti Qaraqalpaqstan Respublikası basqarması Nѳkis qalası bѳlimi xızmetkerleri tárepinen jınayat ústinde uslanǵan

Sud sudlanǵan A.N nıń ѳzine qoyılǵan ayıptı qısman moyınlap bergen kѳrsetpelerin hám keltirgen wájlerine Ѳzbekstan Respublikası JPKniń 95-statьyası tiykarında baha berip, onıń kѳrsetpeleri hám keltirilgen wájlerin istiń haqıyqıy jaǵdayına tuwrı kelmeytuǵın, jınayıy juwapkershilikten qutılıw maqsetinde qılınǵan háreket dep sın kѳz qarastan bahalawdı lazım tawıp. oǵan jaza túri hám muǵdarın tayınlawda, Ѳzbekstan Respublikası JKning 55-56-statьyaları talaplarına ámel qılıp, Ѳzbekstan Respublikası Joqarǵı sudi Plenumınıń 2006 jıl 3 fevraldaǵı “Sudlar tárepinen jınayat ushın jaza tayınlaw ámeliyati haqqında”ǵı Qararındaǵı kѳrsetpelerden kelip shıǵıp, qılmısınan pushaymanlıǵın, semьya hám materiallıq jaǵdayın, jumıssızlıǵın, jazanı jeńillestiriwshi jaǵdaylar dep bahalap, onıń aldın qasttan sádir etken jınayatı ushın bir neshe márte sudlanǵanınan keyinde awır jınayat sádir etkenligin jazanı awırlastırıwshı jaǵdaylar dep esaplawdı, sonıń menen birge sádir etilgen qılmıstıń jámiyetlik qáwiplilik dárejesin, sudlanıwshınıń shaxsın, keltirilgen zıyan muǵdarın hám istegi bárshe sudlanıwshınıń juwapkershiligin jeńillestiriwshi hám awırlastırıwshı jaǵdaylardı esapqa alıp, ayıplı dep tabılmaqshı bolǵan statьyalar sankciyası sheńberinde altı jıl múddetge erkinen ayırıw jazasın tayınladı hám jazanı qattı tártipli koloniyada ѳtewdi belgiledi.

Sonday-aq puqaralarǵa jetkeriligen materiallıq zıyandı sudlanıwshıdan ѳndiriwdi belgiledi.

 

A.Ametov Jınayat isleri boyınsha Kegeyli rayonı sudı baslıǵı .

24.03.2021 13:27:10 8