Сессияға Халық депутатлары Кегейли районлық Кеӊеси депутатлары, район ҳәкиминиң орынбасарлары, пуқаралар жыйынлары баслықлары, мәкеме, кәрхана басшылары ҳәм ғалаба хабар қураллары ўәкиллери қатнасты.
Сессия күн тәртибинде:
Өзбекстан Республикасы Олий Мажлиси Нызамшылық палатасы, Қарақалпақстан Республикасы Жоқарғы Кеңеси ҳәмде Халық депутатлары Кегейли районлық Кеңеси депутатлығына сайлаў өткериўши участка сайлаў комиссиялары ағзалығына талабанларды усыныў ҳаққындағы мәселе көрип шығылды.
Сондай-ақ, Кегейли районы экономика тараўлары, социаллық тараў объектлери ҳәм кѳп квартиралы үй-жай фондын 2024-2025 жыллардың гүз-қыс мәўсимине таярлаўды тәмийинлеў бойынша әмелге асырылып атырған жумыслардыӊ барысы туўралы Кегейли районы ҳәкиминиң қурылыс, коммуникациялар, коммунал хожалығы, экология ҳәм көклемзарластырыў мәселелери бойынша орынбасары Р.Ережеповтың есабаты тыңланды.
Есабатта райондағы экономика тараўлары, социаллық тараў объектлери ҳәм кѳп квартиралы турақ жай фондын 2024-2025 жыллардың гүз-қыс мәўсимине таярлаўды тәмийинлеў бойынша әмелге асырылып атырған жумыслардыӊ барысы бойынша мағлыўматлар берилди.
Сессияда даўамында халық депутатлары районлық Кеңесиниң ўәкилликлерине киретуғын басқада мәселелер көрип шығылды.
Күн тәртибинде кɵрип шығылған барлық мәселелер бойынша пикир-усыныслар тыңланып, тийисли шешимлер қабыл етилди.
