“Район аймағындағы социаллық объектлериниң гүз-қыс мәўсимине таярлығы бойынша әмелге асырылып атырған жумыслар” атамасында баспасɵз конференциясы ɵткерилди.

27.10.2023 10:21:22 102 Баспаға шығарыў

Кегейли районы ҳәкимлигинде “Район аймағындағы социаллық объектлериниң гүз-қыс мәўсимине таярлығы бойынша әмелге асырылып атырған жумыслар” атамасында баспасɵз конференциясы ɵткерилди.  Оған район ҳәкиминиң қурылыс мәселелери бойынша орынбасары Р.Ережепов қатнасты ҳәм әмелге асырылып атырған жумыслар бойынша мағлыўматлар берди. Мағлыўматта атап ɵтилгениндей, Өзбекстан Республикасы Министрлер Кабинетиниң 2023-жыл  12-сентябрдеги        581-Ф-санлы Бийлигиниӊ ҳәм Қарақалпақстан Республикасы Министрлер Кеңесинин 2023-жыл 14-сентябрдеги 204-13-0-F/23-санлы Бийлиги тийкарында Республика экономика тармақлары, санаат кәрханалары, хызмет көрсетиў объектлери, көп квартирали турақ жай фонды ҳәм социал тараўды 2023/2024-жыллар гүзги-қысқы дәўиринде энергия ресурслары менен турақлы тәмийинлеў, соның менен бирге, тармақ ҳәм аймақларда санаат өнимлери ислеп шығарыўды қоллап-қуўатлаў, ислеп шығарылатуғын өнимлер өзине түсер баҳасын кемейтиў, транспорт ҳәм логистика мәселелеринде көмеклесиў бойынша орынланыўы тийис болған жумыслар белгиленип алынды.

Усыған тийкар, районда экономика тармақлары, социаллық тараў объектлерин гүз-қыс мәўсиминде турақлы ислеўге таярлаў бойынша төмендеги бир қатар жумыслар әмелге асырылмақта.

Район аймағында жәми 22 көп квартиралы турақ жайлар болып  334 шаӊарақ жасайды.Соннан 22 турақ жай “Kegeyli shirket” шерикликке қамтылған. 19 турақ жайда автоном қазанханалар, 3 турақ жайда еки контурлы қазанханалар бар. 2023-жылда Өзбекстан Республикасы Президентиниӊ 2021-жыл 19-июньдағы “Көп квартиралы үй-жайларды басқарыӯ системасын жәнеде жетилистириӯ ҳаққында”ғы ПҚ-5152-санлы қарары тийкарында, жәми смета баҳасы 580,0 млн.сӯм болған 12 көп қабатлы турак жайларда фасад ҳәм подъездлерди оӊлаў, электр щитлерин жаӊадан орнатыў ҳәм сыртқы темир есиклерди  орнатыў жумыслары алып барылмақта. Районлық Мектеп ҳәм мектепке шекемги билимлендириў  бөлимине қараслы 38 орта билим бериў мектеплери ҳәм Баркамал әўлад орайы, 17 мектепке шекемги билимлендириў  бар болып, 2023-2024-жылгы гүзги-қысқы мәўсимге таярлаў мақсетинде газ басымы аз болатуғын аймақларда жайласқан билимлендириў мекемелерине режелестирилген 1346,0 тонна көмир, соныӊ ишинде мектеплерге 696,0 тонна бақшаларға 650,0 тонна көмир толығы менен алып келинди. Кегейли Районлык медицина бирлеспесине қараслы 1 филиал, 4 шанарак поликлиникасы, 5 шанараклық шыпакерлик пунктлери халыққа медициналық хызмет кɵрсетеди, емлеў мекемелеринде  улыўма 46 дана казан бар болып соннан 39 данасы газ бенен, 7 данасы комир бенен қыздырылады. Медицина бирлеспесинде 2023-2024 жыллар гузги кыскы маусимге таярлык кɵриў мақсетинде емлеў-профилактика мекемелерин гүзги-қысқы мәўсимге таярлық жумысларын алып барылыўын қадағалаў мақсетинде исши комиссия қурамы  дүзилди.

Кегейли районы ҳәкимлигиниң Мәлимлеме хызмети

 

 

 

 

 

 

 

27.10.2023 10:21:22 103