Mobil-ID sistemasınıń wazıypaları

26.09.2022 17:58:07 382 Баспаға шығарыў

Ózbekstan Respublikası Prezidentiniń «Mámleketlik xızmetlerin kórsetiwdi ápiwayılastırıw, byurokratik tosıqlardı qısqartıw hámde mámleketlik xızmetlerin kórsetiw milliy sistemasın rawajlandırıwdıń qosımsha is-ilájları haqqında»ǵı 113-sanlı Pármanı qabıl qılındı.
Pármanǵa muwapıq, 2022-jıl 1-avgusttan baslap, mámleketlik xızmetlerinen paydalanıw ushın shaxstı identifikaciyalawdıń ámeldegi sistema hám qurallarına qosımsha túrde fizikalıq shaxstı identifikaciyalawdıń Mobil-ID sisteması engizildi.
– Mobil-ID sisteması, «Elektron húkimet» sisteması paydalanıwshıların identifikaciyalaw boyınsha birden-bir málimleme sistemasınıń strukturalıq bólegi esaplanadı hám shaxstı onıń mobil telefon nomeri arqalı identifikaciyalawdı názerde tutadı;
– shaxstı Mobil-ID sisteması járdeminde identifikaciyalaw puqaranıń qálewine kóre mámleketlik xızmetler orayı yamasa notarial mákemeleri tárepinen yaki Birden-bir interaktiv mámleketlik xızmetler portalı arqalı ámelge asırıladı;
– Mobil-ID sisteması járdeminde identifikaciyadan ótiw ushın puqara tárepinen tikkeley oray yamasa notarial mákemesine múrájat etilgende shaxstı tastıyıqlawshı hújjetti usınıs etiledi hámde oray yamasa notarial mákeme xızmekeri tárepinen puqaranıń júzi yaǵnıy júz korinisi reńli formatda súwretke túsiriledi, elektron usılda qol barmaǵı izi alınadı hám mobil telefon nomeri Birden bir mámleketlik xızmetler portalındaǵı jeke kábinetke baylanısadı
– tikkeley oraylar yamasa notarial mákemeleri arqalı puqaralardı Mobil-ID sistemasına identifikaciya qılıw 2022-jıl 31-dekabrge shekem tólem óndirilmesten, 2023-jıl 1-yanvardan baslap bazalıq esaplaw muǵdarınıń 2 payızı muǵdarında bir máretlik tólem óndirilgen halda ámelge asırıladı;
– Mobil-ID sisteması paydalanıwshıları elektron sanlı imzanı qollanbaǵan halda barlıq mámleketlik xızmetlerinen paydalanıwı múmkin;
– puqaranıń BBIMXPdaǵı jeke kábinetine jiberiletuǵın barlıq xabarnamalar onıń qálewine kóre hám belgilengen tólemler tiykarında Mobil-ID sisteması arqalı identifikaciyalanǵan mobil telefon nomerine SMS-xabar usılında jiberiledi.
Húrmetli puqaralar!
Joqaradaǵı kórsetip ótilgen imkániyatlardan yaǵnıy Mobil ID – bul eletron imza talap etilmesten, barlıq túrdegi kompyuter hám mobil qurılmalar arqalı mámleketlik xızmetlerden paydalanıwǵa shaqırıp qalamız

X.Nurımbetov, Qaraqalpaqstan Respublikası Ádillik ministrligi bas másláxatshısı

26.09.2022 17:58:07 383