Кегейли районы пуқараларының 9 усынысы «Ашық бюджет» порталында жетерли даўыс топлап, жеңиске еристи ҳәм «Пуқаралар белсенделиги қоры» есабынан қаржыландырылыўы белгиленди.

25.04.2022 20:46:35 539 Баспаға шығарыў

Өзбекстан Республикасы Президентиниң 2021-жыл 13-апрель күнги «Бюджет процессинде пуқаралардың белсене қатнасыўын тәмийинлеў бойынша қосымша ис-илажлар ҳаққында»ғы ПҚ-5072-санлы қарарына тийкар, Өзбекстан Республикасы Қаржы Министрлигиниң «Ашық бюджет» порталы иске түсирилген еди.

 

Ашық бюджет порталында даўыс бериўдиң жуўмақлаўшы басқышы усы жылдың 1-апрель сәнесинде жуўмақланды ҳәм Кегейли районынан төмендеги 9 усыныс жетерли даўыс топлап, жеңимпазлар қатарына кирди:

 

  1. «Қумшүңгул» АПЖ аймағындағы «Бексыйық» аўылы аймағындағы 30 шаңараққа тәбийий газ тармағын тартыў жумыслары ушын усыныс 2802 даўыс топлады.

 

  1. «Жалпақ жап» АПЖ аймағындағы «Байбатыр» көшесиниң 2 км ишки жолларын оңлаў усынысы 2197 даўыс топлады.

 

  1. Кегейли районы орайындағы «И.Абдижалиев», «А.Пирназаров», «Дослық гүзары», «Москва», «Б.Айназаров», «К.Кулимов», «Д.Киркабакова», «Т.Сейтжанов», «Сейтнияз уста» кѳшелерине бақлаў камераларын орнатыў.

 

  1. «Бахытлы» МПЖ «Халқабад гүзары» кѳшесиниң 2 ҳәм 19-санлы улыўма орта билим бериў мектеби ҳәм районлық емлеўхана қасынан ѳтиўши автомобиль жолларына автомобиллер тезлигин тәртипке салыўшы «лежащий полицейский» орнатыў.

 

  1. «Ақтуба» АПЖ аймағындағы «Тамғалы» елатлы пунктиниң (1,5 км) ишки жолларын оңлаў.

 

  1. «Мәденият» МПЖ аймағындағы 5-санлы улыўма орта билим бериў мектеби ҳәм 6-санлы МШБШ жанында футбол майданшасын (газон) қурыў.

 

  1. «Бахытлы» МПЖ аймағындағы «Халқабад гүзары», «Амир Темур», «Ѳзбекстан», «Әмиўдәрья», «Д.Турғанбаев» кѳшелерине ҳәм де «Халқабад» жәмәәт мешити, емлеўхана, 22-санлы  улыўма орта билим бериў мектеби алдыларына бақлаў камераларын орнатыў.

 

  1. «Жүзимбағ» АПЖ аймағыннан ѳтиўши «Шымбай-Нѳкис» автомобиль жолы бойына (3,0 км) аралықтан түнги жарытыў үскенелерин орнатыў.

 

  1. «Қумшүңгул» АПЖ аймағындағы 22-санлы улыўма орта билим бериў мектеби алдына стационар фотрадар орнатыў.

 

Усы жоқарыдағы «Openbudget.uz» сайтына пуқаралар тәрепинен берилген усынысларға жетерли даўыс топлап, жеңимпаз деп табылған 9 усынысқа «Пуқаралар белсенделиги қоры» есабынан қаржы ажыратылыўы белгиленди.

25.04.2022 20:46:35 540